November 26, 2005

Kaligtasan: Tanggapin mo na ngayon habang maaga

Mayroong tatlong tao na binuhay na mag-uli ng ating Panginoon mula sa mga patay. Una ay ang bata, sumunod ang binata at panghuli ay si  Lazaro. Bilang paglalarawan sa kaligtasan, ang tatlong pagkabuhay na maguli ay magandang halimbawa ng pagkaligtas na maaga sa buhay na ito para mas marami  ang panahon na ipaglilingkod natin sa ating Panginoon. Huwag mo ng ipagpabukas ang pagtanggap sa Panginoon. Ngayon ang tamang panahon.

         1.     Ang batang babaing may 12 dalawang taong gulang –

       Marcos 5:35-42- Bumangon ang bata at lumakad

2.     Ang anak ng Babaing balo sa Nain –

       Lucas 7:11-15- Naupo ito at nagsalita.
3.   Si Lazaro - Juan 11:43-44
      Lumabas na napupuluputan ng kayong panlibing ang kaniyang mga kamay at paa.  

Alin sa tatlo sa palagay mo ang marami pang ipaglilingkod sa Panginoon? Ang Bata, binata, o ang matanda na?

 

Kailan mo pa ibigay ang buhay mo sa Panginoon? Pag huli na ang lahat? Pag matanda kana? Madalas na marinig ko ang mga katagang ito sa bibig ng tatay ko “ Magsisisi na lang ako pag malapit na akong mamatay. Katulad ng nakapakong kasama ni Jesus sa Krus, pagkatapos niyang kauspin ang Panginoon binigyan Siya nito ng kasiguruhan na siya’y makakasama niya sa paraiso.” Kaya kang bigyan ni Jesus ng buhay na walang hanggan-lumapit ka lamang sa Kaniya….NGAYON ANG TAMANG PANAHON….

 

             KAILAN Pa

Kailan pa ibibigay ang buhay mo’t lakas

Sa Kaniya na nagbigay sa’yo ng buhay na wagas

Ang Pangalan Niyang banal kalian itatanyag

Kung wala ng pagkakataon at huli na ang lahat

 

At kung ang araw mo’y lumipas na

Makuha mo pa kayang Siya ay paglingkuran

Kailan pa kaya maglilingkod sa Diyos?

Kung hindi ngayon kalian pa

 

Click the Link Below for the complete Messages in TAGALOG language-Nov.. 26-Dec. 03